Direziun Scores de musiga Val Badia

Novité:  Toléde l’ocajiun da ti ciaré ai video,

che i maestri dla Scora de musiga á arjigné sön le canal “youtube” dla Scora de musiga Val Badia
Ciafarëis de vigni sort de informaziuns sura i stromënc che vëgn insigná



Scora de musiga Val Badia

La scora de musiga Val Badia é le punt de referimënt y le zënter de competënza por les mitans y i mituns y la jonëza interessá de musiga tla Val Badia. Porvia dla situaziun geografica vëgn les leziuns tignides te trëi paisc. Che che vir tla pert alta dla Val Badia vá a scora de musiga tla scora mesana da La Ila, che che vir tla pert bassa dla Val Badia vá a Al Plan de Mareo tla scora de musiga y i pici dl comun da La Val y da San Martin vá a cianté y a imparé da soné le fabló tla scora mesana da San Martin de Tor. Por podëi ademplí deplëgn i bojëgns didatics él 17 maestri y maestres, na secreteria y le diretur Raimund Pitscheider che se dá da fá. Al momënt vá 492 scolares y scolars da 7 cina 19 agn a scora de musiga.

La storia

Ai 29.11.1975 s'á incunté tla scora de musiga da Bornech le prof. Johanna Blum dl Südtiroler Kulturinstitut y Iarone Chizzali, Ulrich Willeit, siur Iaco Ploner y le dot. Lois Ellecosta, por mëte a jí cursc de musiga tla Val Badia.

Do n laur important fat damperfora y le sostëgn dl caplan da laota siur Iaco Ploner, él gnü metü a jí  dl 1975 i pröms cursc de musiga tla Val Badia. Naota gnôi tignis en colaboraziun cun le Kulturinstitut y l'Uniun di Ladins, cun so presidënt dot. Lois Craffonara. Te chësc pröm ann êl feter 70 scolares y scolars apascioná de musiga. Trëi agn dedô ési gnüs tuc sö dal Istitut d'educaziun musicala sot la direziun dl dot. Lois Ellecosta.

Sot la direziun de Raimund Pitscheider é la scora de musiga gnüda organisada danü ala fin di agn 80. Al á sposté l'insegnamënt che gnô a se le dé te feter düc i paîsc dla valada te cater paîsc. Al gnô a se le dé insciö zëntri a La Ila, La Val, San Martin y Al Plan, olache i scolars y les scolares di mëndri paîsc podô rové adöm, gní arjigné ca salfs cun de bugn stromënc y gní a se le dé n barat musical. Cun le tëmp gnôl tres maiú le dejider de na infrastrotöra aposta olache al ess podü gní tigní les ativités dla scora de musiga te salfs adatá. Te n iade êl la poscibilité da ressané a Al Plan la vedla scora elementara por chësc fin. Dl 2013 êra spo tan inant y an podô finalmënter jí ite tl frabicat dla scora de musiga a Al Plan. La direziun é romagnüda por rajuns logistiches tl zënter scolastich da La Ila che dess gní amplié tl dagní. Tl cheder dl ampliamënt ciafará ince la scora de musiga de sü locai por podëi pité n insegnamënt musical adaté a nosc tëmp.

Les scores de musiga dla Val Badia alda incö pro la "Direziun provinziala dles scores de musiga todësces y ladines" y toca pro la Direziun Formaziun todëscia dla Provinzia autonoma de Balsan. Na convenziun cun l'Intendënza ladina garantësc che al vëgnes tigní cunt di bojëgns particolars dla scora de musiga dla Val Badia, olache al vëgn insigné dantadöt por ladin, por sconé le grup linguistich ladin.

Raimondo Pitscheider

Diretur dla scorae

Raimondo Pitscheider

nsegnant de clavier y teoria musicala. Al é a ce dla Scora de musiga val Badia dal 1988

 

Orars d'ofize y contac

Strada Ninz 9
39030 La Ila
Telefon 0471 847748
E-mail: musikschuldirektion.gadertal@schule.suedtirol.it

Colaboradus/Colaboradësses

Comunicaziuns

Degun resultat.
Metede ite n'atra parora de chirida

Manifestaziuns

Alle Veranstaltungen

Termins

Merz 2024
nescMertescMercuibiandresSabedaDomënia
    123
45678910
11121314151617
18192021222324
25262728293031

Alle Termine