Direziun Scora de musiga Überetsch/Val d'Adesc Mesana

La Direziun dla Scora de musiga Überetsch/Val d'Adesc Mesana é na componënta importanta dla contrada formativa tl Südtirol.

Tl zënter de nosc impëgn él dagnora les competënzes musicales di feter 1400 scolars y scolares che vëgn insigná jö tles sëntes de Eppan, Terlan, Kaltern y Mölten.

L'oferta formativa de nosta scora vá da cursc da imparé a soné n stromënt y da cianté, individuai y de grup (ensemple, grup musical, orchestra) che ti vëgn pitá a dötes les porsones interessades ala musiga y ince a porsones cun bojëgns particolars. Implü vëgnel ince sostigní les scolares y i scolars cun talënt spezial por la musiga.

N grup de 60 insegnantes y insegnanc competënc y motivá se dá tres indô da fá por pité ofertes inovatives, tó pert a manifestaziuns interessantes y a proiec de colaboraziun cun partner da chiló y ince da foradecá.

Nüsc partner tl monn dla formaziun y dles uniuns é por nos de gran importanza. Na rëi de colaboraziun strënta nes coliëia cun les istituziuns formatives y le monn dles uniuns y lies de nosc raiun de competënza.

Nosc laur didatich tratan l'ann vëgn acompagné da n gröm de conzerc dla sort plü desvalia y dala partezipaziun a concursc desfarënc; chësc fej fora na pert integrënta de nosc proiet didatich y formatif.

N grup de trëi porsones che laora te na manira efiziënta é responsabl dl'aministraziun y organisaziun de dötes les ativités scolastiches y extrascolastiches.

Diretur dla scora