Direziun Scora de musiga Porsenú - Vandoies/Mühlbach

Scora de musiga Porsenú

"… ara n'é nia ma öna dles plü vedles, mo ara é ince öna dles scores de musiga plü importantes y reconesciüdes de nosta provinzia."  (Angelo Menolli)

Tla Scora de musiga de Porsenú vëgnel pité tröpes materies, formes desvalies dla formaziun de basa, leziuns de düc i stromënc y leziuns vocales; n punt important fej implü ince fora le laur d'ensemble, de grups musicai y d'orchestra.

N team competënt y engajé de insegnantes y insegnanc se crüzia de passa mile scolares y scolars de dötes les etés.

Les scolares y i scolars dla Scora de musiga de Porsenú tol pert vigni ann cun suzes a concursc desvalis y a competiziuns de prestaziun y tëgn n gran numer de conzerc te scora y ince defora y fej ince da cornisc musicala te tröpes ocajiuns. Tröc musizisc y tröpes musizistes de profesciun á scomencé so tru musical tla Scora de musiga de Porsenú.

Scora de musiga Vandoies/Mühlbach

La Scora de musiga de Vandoies/Mühlbach s'á etablé sciöche pice mo bun zënter competënt por la musiga danter Bornech y Porsenú y é deventé na pert importanta dla vita culturala locala.

L'oferta tol ite formes desvalies dla formaziun de basa, al vëgn insigné düc i stromënc a fle de latun y lëgn, i orghi da man, la bateria, la chitara, le clavier y la vidora. Implü vëgnel pité l'insegnamënt vocal por porsones jones y adultes. N team competënt y engajé de insegnantes y insegnanc ti stá do a plü cënc de mitans y mituns a Vandoies y Mühlbach.