Direziun Scora de musiga Maran/Passeier

"Scora de musiga – ci é pa chël?"

Sambëgn savunse che na scora de musiga ne n'"é" nia valch, mo che dailó se "portel pro" valch - dal momënt che al röia adöm y laora deboriada porsones che ó imparé da fá musiga y che insëgna da la fá.
… y la "formaziun é ci che resta canche i s'un desmentié ci che i un imparé". Chësta afermaziun de n politich dla formaziun inglesc desmostra che l'"inteligënza emotiva" vëgn tres plü importanta tl monn d'aldedaincö olache döt mëss jí snel.

Propi por chësc nes stál dër a cör da promöie, aladô de nosc tëmp, l'aspet complessif dla formaziun musicala. Al nes fej plajëi da acompagné mitans y mituns, jones y jogn y porsones adultes tl monn dla musiga. Insciö s'odunse sciöche pert dl'identité culturala dla cité de Maran y de döt le Burggrafenamt.

Scora de musiga de Maran

La Scora de Musiga de Maran é gnüda metüda sö dl 1968 dal professur Hans Obkircher che é ince sté so diretur. Les leziuns é dagnora gnüdes tignides ti locai dla Scora Albert Schweitzer tla XXX. Aprilstraße, ater co tratan n tëmp de trasferimënt plü lunch olache les leziuns gnô tignides tl Rediffianum.
Impröma êl incër 70 scolares y scolars che frecuentâ la scora de musiga, deache al gnô ma tigní cianté y fabló. Bel plan s'ál spo amplié les ofertes d'insegnamënt.
Le suzessur dl professur Hans Obkircher é sté Alexander Veit dl 1998 che é ciamó dötaurela diretur de chësta scora.

Aldedaincö pîta la Scora de musiga de Maran, pro chëra che al toca ince la Scora de musiga Passeier cun sües trëi sëntes d'insegnamënt St. Leonhard, St. Martin y Moos, cun passa 50 insegnantes y insegnanc n'oferta formativa musicala sciadi ampla. Al é plü co 1.400 mitans y mituns, jones y jogn y porsones adultes, dantadöt danter 5 y 24 agn, che frecunetëia la Scora de musiga de Maran.

Al vëgn pité plü co 50 ofertes d'insegnamënt stromentales y vocales.
Tl ann de scora 2016/17 á la Scora de musiga de Maran podü se trasferí tl frabicat completamënter renové, do che ara ê stada por trëi agn y mez alalungia te n frabicat alternatif.

Scora de musiga Passeier

Passa 300 scolares y scolars dai trëi comuns dla valada de Passeier frecuentëia dötaurela la Scora de musiga Passeier tles trëi sëntes de St. Leonhard, St. Martin y Moos.
D'aurí dl 1972 á n valgönes porsones de Passeier interessades ala cultura y apascionades de musiga invié ia le proiet "Musikkurse Passeier". Insciö él nasciü na seziun dla Scora de musiga de Maran.  Mo deache al ê ma püc scolars y scolares che jô a scora de musiga ne gnô i cursc de musiga nia plü sostignis dal Istitut d'educaziun musicala. Insciö á la lia por le mantignimënt dla cultura y dl Südtirol surantut l'aministraziun ti agn de scora 1980 cina 1984. Dl 1984/85 ti gnô l'aministraziun surandada ala Musiga de St. Leonhard. Dl 1986/87 êl Thomas Platter che aministrâ i cursc de musiga y tl ann do ti gnô la direziun surandada a Sigmund Hofer.

Do da discusciun intensives cun l'Istitut d'educaziun musicala, i funzionars dles musighes y di cors dla valada, le consëi de formaziun y i direturs dles scores y por mirit dl gran impëgn di ombolc da inlaota Josef Pichler (St. Martin), Konrad Pfitscher (St. Leonhard), Karl Lanthaler (Moos) y dl referënt por la cultura da St. Leonhard Albin Pixner, él gnü fondé dl 1990 l'uniun "Musikkurse Passeier". Tl ann de scora 1991/92 é la Scora de musiga de Passeier rovada pro l'Istitut d'educaziun musicala por todësch y ladin.

Rosmarie Rieder é stada la pröma direturia, Alexander Veit é gnü diretur tl ann de scora 1992/93; dl 1997/98 él sté Stefan Gstrein che á surantut la direziun y dal ann de scora 2000/01 Luisa Pamer. Dal ann de scora 2012/13 toca la Scora de musiga Passeier pro la Scora de musiga Maran/Passeier.

Alexander Veit

Diretur dla scora

Alexander Veit

Maester de fabló traversal y musiga da ciamena de stromënc a fle de lëgn, dal 1997 incá diretur dla Scora de musiga Maran/Passeier (dal 1992 al 1997 diretur dla Scora de musiga Passeier)

Orars d'ofize y contac

Maran

Lönesc, mertesc, mercui y vëndres: 8.00 - 10.00
Lönesc, mercui y jöbia: 14.00 - 16.00

St. Leonhard/Passeier

Lönesc y mercui: 14.00 – 17.00


XXX-April-Straße 23
39012 Maran
Tel.: 0473/442525
Email: musikschule.meran@schule.suedtirol.it

Colaboradus/Colaboradësses

Comunicaziuns

Degun resultat.
Metede ite n'atra parora de chirida

Manifestaziuns

Alle Veranstaltungen

Termins

Ma 2021
nescMertescMercuibiandresSabedaDomënia
     12
3456789
10111213141516
17181920212223
24252627282930
31      

Alle Termine

Downloads

Al n’é gnü ciafè degun resultat.
Metede ite prëibel n’atra parora d’archirida.

Düc i downloads

Olache i sun