Da d'altonn dl 1967 él gnü metü sö cursc de musiga a Laives sön scomenciadia dl dirighënt dla musiga da inlaota Walter Cazzanelli y cun le sostëgn de Karl Pedrotti, surastant dla musiga de Laives da inlaota. Dl 1968 á le Südtiroler Kulturinstitut surantut i cursc de musiga a Laives sciöche sënta destacada dla Scora de musiga de Auer. Inlaota gnôl insigné chëstes materies: cianté, fabló, clarinet, stromënc de banda alc y basc y clavier.
De jügn dl 1972 él gnü stlüt chësta istituziun dër bëgnodüda y importanta por la popolaziun de lingaz todësch. Ti agn do gnô la formaziun dles scolares y di scolars indô surantuta en economia dala musiga de Laives. Tosc dedô scomenciâ Dr. Eduard Werth, le diretur dla scora mesana da inlaota y orghelist, da mëte sö na scora de musiga nöia. Canche dl 1977 gnôl metü sö cun lege provinziala l'Istitut d'educaziun musicala jôra da daurí indô la scora do da tratatives lunges tl ann de scora 1978/79. Al ti gnô dé l'inciaria a Walter Cazzanelli y Dr. Eduard Werth da surantó la direziun di cursc de musiga. Da d'altonn dl 1980 á Georg Steinwandter surantut la direziun dla scora de musiga.
Dal 1993 cina d'agost dl 2010 ál ince surantut la direziun dla Scora de musiga dl Sarntal fondada danü. Dal ann de scora 2010/11 toca la scora de musiga dl Sarntal pro la Direziun dla Scora de musiga Renun.
La direziun dla Scora de musiga Regglberg, cun les sëntes de Nöia Todëscia, Aldein y Nöia Ladina é gnüda deslisda y ara é gnüda metüda pro la Scora de musiga de Laives.
Dal 1. de setëmber dl 2010 ti dijon a chësta direziun: "Scora de musiga Laives/Regglberg".
Storia dla Scora de musiga Regglberg
La Scora de musiga de Nöia Todëscia é gnüda fondada dl 1967 da Hans Simmerle, insegnant de scora mesana da inlaota, dirighënt dl cor de dlijia y dla musiga. Al é sté so diretur cina dl 1995 . Tla scora de musiga ti gnôl dantadöt dé importanza che al gniss docá forzes jones tl cor de dlijia y tla musiga.
Dal 1995 inant él spo sté Josef Dentinger diretur dla scora de musiga.
Dl 1994 án ince metü man cun l'insegnamënt a Nöia Ladina y a Aldein. Insciö gnôl metü sö la Scora de musiga Regglberg.
Canche le diretur Dentinger Josef é jü en ponsiun él ince gnü deslié la direziun Regglberg ai 31 d'agost dl 2010 .
Diretur dla scora
Diether Bonelli
Insegnant de Trombëta/Trumba y musiga y media. Ara é a ce dla Scora de musiga dal 2020 incá.