Direziun Scora de musiga Balsan (Gries, Altstadt, Jenesien)

La Scora de musiga de Balsan -

fora de 4 ne vëgnel 1:

Dai agn 1960 inant s'ál svilupé a Balsan na strotöra dles scores de musiga particolara: dui portadus privac (le Cor di ëi y la Cantoria Leonhard Lechner) pitâ cursc da cianté y soné. Ti agn 1970 él gnü fondé la Scora de musiga da Haslach y insciö êl cater posć a Balsan olache an podô frecuenté n curs de musiga por todësch: tla Cité vedla, a Gries, a Neugries y a Haslach.

Bel plan é spo i cursc, che gnô cina dailó organisá privatamënter, gnüs surantuc dal Istitut d'educaziun musicala por todësch y ladin y ince dötes les scores dla cité (Haslach cun la sënta de Jenesien, la Cité vedla y Gries cun Neugries) gnüdes metüdes pro öna na direziun. Cun chësta mosöra essel ince messü gní fat sö n gran frabicat por la scora de musiga a Gries. Cina aldedaincö n'éra nia ciamó jüda da realisé na scora de musiga zentrala por la cité de Balsan. Tl momënt é la sënta prinzipala dla scora de musiga a Gries cun la sënta periferica tla Cité vedla. N'atra sënta periferica é la Scora de musiga de Jenesien.

Nosta oferta atuala:

Pedagogia musicala elemantara y cianté por vigni eté, formaziun vocala classica o tl ciamp dla musiga rock/pop/jazz, musiga y media, formaziun da dirighënt dla musiga, Singing Boys y formaziun da soné (dal acordeon al zimbalon).

Scora de musiga Balsan ativa:

colaboraziun cun les scores elementares por ci che reverda la formaziun de basa y leziuns tignides esperc; colaboraziun cun assoziaziuns, comuns, strotöres soziales, conzerc te tröc posć dla cité ...

Nüsc partner:

Eurac, Comun de Balsan, Comun de Jenesien, Ciamena de comerz, Ciasa dla cultura "Walther von der Vogelweide", Heimatschutzverein, Kulturheim Gries, Museion, Fondaziun „St. Elisabeth“, le Teater da Gries, Cantoria "Leonhard Lechner“ y la Bürgerkapelle Gries.

„PLAY ALL DAY, SLEEP AL NIGHT.

NEVER DOUBT THE MUSIC INSIDE OF YOU,

AND IF THE MUSIC IS TOO LOUD,

YOU´ARE TOO OLD.“

Direturia dla scora

Margarete Pohl

Insegnanta de clavier y teoria musicala generala. Ara é a ce dla Scora de musiga de Balsan dal 2004 incá.