Direziun Scora de musiga Alta Val de Puster (Valsperch, Toblach, Valdaora, Sanciana)

Inlaota…

Bele dl 1968 êl a Sanciana l'intenziun da mëte sö na scora de musiga. Por mirit de n valgügn idealisć él gnü invié ia da d'altonn dl 1968 n pröm insegnamënt de basa a Sanciana y Toblach. Ritmica -Orff, cianté, teoria dla musiga y fabló ê les prömes materies che gnô insignades. Ti agn do gnôl spo ciamó pormez n gröm de d'atres materies desvalies. 
Impröma fajô la scora de musiga pert, sciöche sënta secundara, dla Scora de musiga de Bornech sot ala direziun de Karl Pramstaller y sostignida dal Südtiroler Kulturinstitut. Dl 1977 á surantut l'Istitut d'educaziun musicala por todësch y ladin, che ê impormó gnü fondé,  les Scores de musiga de Toblach y Sanciana. Cun l'ann de scora 1982/83 éres gnüdes despartides dala Scora de musiga de Bornech y al é gnü metü sö la direziun "Alta Val de Puster". 
Dl 1975 y 1976 él gnü tigní i pröms cursc de musiga a Valdaora y Valsperch. Al gnô dé leziuns de teoria y de stromënc te de plü posć (Valdaora, Rasun-Antholz, Valsperch, Gsies).

Danterite…

Da canche l'Istitut d'educaziun musicala â surantut la scora él gnü tresfora aumenté y mioré les leziuns. Stromënc desvalis che pé aldedaincö prësc nostalgics sciöche le corn alt, ne gnô nia plü insigná, mo al n'un rovâ lapró d'atri sciöche la vidora, le saltier, l'acordeon. Insciö gnôl a se le dé n'oferta ampla da chëra che les scolares y i scolars podô chirí fora ci che t'interessâ.  
Les scores dl'Alta Val de Puster, Valdaora, Valsperch, Toblach y Sanciana gnô metüdes adöm, danterite indô despartides y spo inultima metüdes adöm te na direziun unica, tla Direziun Scora de musiga Alta Val de Puster.  
Dl 1999 s'á trasferí la Scora de musiga de Toblach tl ex-Grand-Hotel Toblach. A Sanciana vëgnel da chësc ann inant ma plü pité leziuns tles materies educaziun prescolara musicala, cianté y fabló. A Valdaora án podü jí tla scora de musiga nöia da d'altonn dl 2003. I direturs é stá Bruno Muser, Sepp Dentinger y Anton Leitner.

Incö…

Dötaurela él passa 900 scolares y scolars che vá tla Scora de musiga dl'Alta Val de Puster a Valdaora, Valsperch, Toblach y Sanciana. Implü vëgnel ince pité n insegnamënt de basa, chël ó dí educaziun prescolara musicala, cianté y fabló, a St. Magdalena/Gsies y a Antholz/Mittertal. I ti dun dantadöt importanza a na formaziun musicala completa y insciö vëgnel pité dlungia l'insegnamënt stromental ince n insegnamënt de teoria integratif. Ensembles desvalis, che laora en pert döt l'ann y en pert ma tl cheder de proiec, ti dá la poscibilité ales scolares y ai scolars de vigni eté da fá musiga deboriada. Dal 1997 incá é Walter Innerhofer diretur dla Scora de musiga Alta Val de Puster.

Orars d'ofize y contac

Lönesc, mertesc, jöbia: 8.00 - 10.30 y 13.30 - 18.00
Mercui: 13.00 - 18.00
Vëndres: 8.00 - 10.00

Valsperch

Schlossweg 14
39035 Valsperch
Telefon 0474 944470
Email: musikschule.welsberg@schule.suedtirol.it

Valdaora

39030 Valdaora - Valdaora Damez 115,
Tel. 0474 497226

Sanciana

39038 Sanciana, Freisingerstraße 13

Toblach

39034 Toblach, Dolomitenstr. 33,
Tel. 0474 972390

Comunicaziuns

Degun resultat.
Metede ite n'atra parora de chirida

Manifestaziuns

Alle Veranstaltungen

Termins

Otober 2020
nescMertescMercuibiandresSabedaDomënia
   1234
567891011
12131415161718
19202122232425
262728293031 

Alle Termine

Downloads

Al n’é gnü ciafè degun resultat.
Metede ite prëibel n’atra parora d’archirida.

Düc i downloads

Olache i sun