Direziun Scora de musiga Alta Val de Puster (Valsperch, Toblach, Valdaora, Sanciana)

"… deache i savun, ci che i fajun …" – n zënter de competënza por la musiga

Les scores de musiga é zëntri culturai. De plü sëntes scolastiches, n valgönes sëntes periferiches, na gran palëta de materies stromentales y teoriches, y poscibilités da soné y cianté te n ensemble fej fora la 'Direziun Scora de musiga Alta Val de Puster'.

N team de passa 30 insegnantes y insegnanc ti pîta a presciapüch 900 scolares y scolars na gran oferta de pedagogia musicala. La maiú pert dles mitans y di mituns, dles jones y di jogn interessá y apascioná n'á nia bria da jí lunc a scora de musiga y pó s'un anuzé a Toblach, Valsperch y Valdaora. A Sanciana, S. Madalena/Gsies y a Antholz-Mittertal vëgnel implü ince pité les materies de educaziun musicala prescolara, cianté, laboratore musical (Sanciana) y fabló. Les mitans y i mituns adora la musiga. Insciö vára da mëte les fondamëntes dla musiga bele tla pröma infanzia.