De plü sön le referat

Na picia suraodüda

1979 Al vëgn metü sö l‘Istitut por l’educaziun musicala por todësch y ladin dl Referat Musiga popolara. Franz Xaver Kofler surantol le post da curadú dla musiga popolara tl Referat Musiga popolara. Tl pröm n’él nia te na bela situaziun: al é ma dër püc grups de ciantadus y musizisć tl Südtirol. Franz á contac cun ciantadus y musizisć, laora fora material de notes por ëi, fej adöm a d’ëi proes, i dëida, organisëia seminars y edemes da jí a cianté y porta pro a na sbürla tl ciamp dla musiga popolara tl Südtirol.

1980 L'Istitut cultural dl Südtirol ti surandá al Referat Musiga popolara les copies dles registraziuns de musiga popolara di agn 40 ciafades dal musicologh todësch Dr. Alfred Quellmalz.

1989 Ara vá da condüje a Balsan le material fora dl'arpejun personala de Dr. Alfred Quellmalz: scric a man, libri de notizes y dantadöt racoiüdes de fotografies.

1998 Al vëgn metü sö dlungia la sënta dl curadú dla musiga popolara na sënta por le ciamp archif, documentaziun y inrescida sön le ciamp.

1999 An mët man da dé fora sföis de notes tla linia „Dr.-Alfred-Quellmalz-Sammlung“: Por stromënc desvalis vëgnel metü sö na picia cerna de toc fora dla gran racoiüda de Quellmalz.

2000 L'Istitut por l'Educaziun musicala se trasferësc tla strada Museum. Le Referat Musiga popolara ciafa tla 2. alzada süa lerch por l'archif y la biblioteca spezialistica.

2002 Do da n pez vëgn i posć indô curis tl Referat Musiga popolara.

2004 Al vëgn a se le dé na gran mudaziun tla colaboraziun cun les lies tla provinzia che se dá jö cun la musiga popolara: la Plattform Volksmusik vëgn metüda sö sciöche mësa torona a na moda che i rapresentanc dl cërtl de musiga popolara dl Südtirol, dl ArGe Volkstanz, dles lies por les inrescides culturales fates sön le post y dl Referat Musiga popolara pois lauré fora adöm i medemi fins y les medemes ativités.

2005 Al vëgn tut sö na secunda colaboradëssa por i ciamps de laur: archif, documentaziun y inrescida.

2009 Le Referat Musiga popolara vëgn metü ti statuc nüs laurá fora por l'Istitut Educaziun musicala.

2012 Le Referat Musiga popolare mët a jí le pröm concurs de musiga popolara tl Südtirol, che vëgn aldedaincö metü a jí vigni dui agn y a chël che al tol pert dër tröpa jënt.

2013 Al vëgn tut jö l'Istitut por l'educaziun musicala y metü sö le Ciamp Scores de musiga todësces y ladines tl'aministraziun provinziala pro le Departimënt por la formaziun todëscia.

2013 Le material dla racoiüda Quellmalz vëgn amplié tres la surandada dla biblioteca privata de Alfred Quellmalz, cun lapró la documentaziun d'inrescida, la corespondënza y les fotografies da pert de so nu.

2013 Le Referat Musiga popolara surantol dal "Südtiroler Volksmusikkreis" döta l'organisaziun y le finanziamënt dl proiet Musigkischtl tles scores elementares (laota „Wir singen unsere Lieder“).

2018 Tratan la reorganisaziun dl departimënt de formaziun todëscia vëgnel denominé danü le ciamp te Direziun provinziala Scores de musiga todësces y ladines. Le Referat Musiga popolara romagn iló sciöche sënta de coordinaziun.