Violoncello

violoncello

Can pón pa mëte man da imparé da soné chësc stromënt?

Ideal fossel da mëte man da soné chësc stromënt dai 6 ai 10 agn. Al é sambëgn n vantaje sce an á bele fat n curs de educaziun musicala bunorida.

De ci vál pa debojëgn por imparé da soné chësc stromënt?

Capazité da se conzentré y na bona orëdla. N förtl manual y agilité di dëic. Mans da forza cun pizes di dëic torones y na bona capazité da spraizé la man ciampa. Desponibilité da se eserzité vigni de.

Ci poscibilités pîta pa chësc stromënt?

Ara vá da le soné dassú y sciöche stromënt d'acompagnamënt. Al é dër important por la musiga da ciamëna y le laur d'orchestra. Le cello ciafon te vigni ciamp dla musiga: tla musiga classica, tla musiga popolara, tl pop, rock y jazz.

Pité da ...

Scora de musiga taliana "A. Vivaldi"

Eté

Dai 8 agn

Test d'amisciun

Nou

Sëntes dl curs

Personal insegnant


Le program dl curs vëgn organisé atramënter aladô dl'eté, dla sort musicala, dles aspetatives y dl impëgn. Al vëgn tigní cunt dla dërta impostaziun tecnica dl stromënt, zënza de chëra che ara ne jiss nia da arjunje de bugn resultac.

Le violoncello é n stromënt classich cun l'arch y 4 cordes, che vëgn soné bele da secui incá cun rodi importanc tla musiga solo, da ciamena y sinfonica. Incö l'adoron sovënz ince tla musiga lisiera y rock, y por chësta adoranza él ince le violoncello eletrich. Ara jará da s'avijiné dal scomenciamënt inant ince a n'esperiënza de grup, cun proposta de toc de repertore classics y moderns, cun acompagnamënt dl clavier, duec y d'ater, cun chi che an podará aprofondí i elemënc tecnics te n contest de jüch.

Canche an arjunj le secundo livel o a vigni moda cun val' agn de esperiënza cun le stromënt tradizional pón ínce soné tratan la leziun n stromënt eletrich particolar cun cin cordes, che conzed da passé a n repertore plü modern y plü interessant por la jonëza.

 

Scriesse ite