Vidora

violino

Can pón pa mëte man da imparé da soné chësc stromënt?

Ideal fossel da mëte man da soné chësc stromënt dai 6 ai 10 agn. Al é sambëgn n vataje sce an á bele fat n curs de educaziun musicala bunorida.

De ci vál pa debojëgn por imparé da soné chësc stromënt?

Capazité da se conzentré y na bona orëdla. Desponibilité da se eserzité vigni de. Agilité y na bona motorica fina. Coriosité, daurida, lezitënza y artëgn é de bones condiziuns por imparé da soné n stromënt.

Ci poscibilités pîta pa chësc stromënt?

Sciöche stromënt solo y de melodia pro la musiga da ciamena y orchestra. La vidora ciafon te vigni ciamp dla musiga: tla musiga classica, tla musiga popolara, tl pop, rock y jazz.

Pité da ...

Scora de musiga taliana "A. Vivaldi"

Eté

Dai 8 agn

Test d'amisciun

Nou

Sëntes dl curs

Personal insegnant

Le percurs didatich dess sensibilisé y svilupé les capazités musicales aladô dl’eté. Al vëgn insigné i prinzips teorics ritmics y musicai aplican ince regoles scëmples da ascuté por reconësce tan altes che les notes sön le stromënt é. Le fin prinzipal dl curs é insigné la basa dla tecnica dla vidora cun manires, stüdi, scales y toc scëmpli de repertore desvalis.

Dantadöt tratan la secunda pert de stüde ciaron da aprofondí le repertore cherian grups de musiga da ciamena y orchestres, a na moda che ara vais veramënter da se devertí sonan y imparan da soné la vidora ince ascutan i atri. Cun le tëmp gnarál svilupé n repertore de solo che vá dal baroch ala musiga moderna.

Por ausé che che sona al contat cun le publich gnarál organisé proes dla scora y manifestaziuns extrascolastiches.
Scriesse ite