Sax Connection

L’ensemble Sax Connection é na formaziun nasciüda dl 1998, sot la bachëta de Giorgio Beberi, che tol ite studëntes y studënc dles classes de saxofon, cianté, bataria, chitara, bas eletrich y tastadöres. Tres n percurs musical ampl á le coletif “costruí” n program musical da porté dant te n conzert acompagnan le publich cun i auturs che á fat a na moda che an imparass a conësce la musiga jazz dl ‘900, dai blues de Count Basie, ai standarg de Duke Ellington, ala musiga de Henry Mancini.

Le repertore prevëiga toc de Monty Norman, Count Basie, Alan Jay Lerner, Miles Davis, Duke Ellington, Billy Joel, Sonny Rollins, Don Ellis – Jaco Pastorius, Vladimir Kosma, Victor Young, George Gershwin, Earle Hagen, Steve Wonder, S. & M. Windwood – S. Davise y James Brown.