Percusciuns

percussioni

Can pón pa mëte man da imparé da soné chësc stromënt?

Dai 8 agn, mo al depënn sambëgn dala poscibilité da tó sö dla scora de musiga.

De ci vál pa debojëgn por imparé da soné chësc stromënt?

Les condiziuns por imparé da soné chësc stromënt é n talënt ritmich y na bona motorica. De regola pón mëte man cun n pice tambüre. Por s'eserzité a ciasa vál debojëgn de n snare drum o n pad da s'eserzité.

Ci poscibilités pîta pa chësc stromënt?

Les percusciuns é stromënc universai. An pó i soné pro la musiga, te n'orchestra o te na band. An pó soné impara toc classics, rock, pop o jazz.

Pité da...

Scora de musiga taliana "A. Vivaldi"

Eté

Dai 8 agn

Test d'amisciun

Nou

Sënta dl curs

Personal insegnant

L'obietif prinzipal de chësc percurs didatich é chël da trasmëte stromënc teorics y tecnics cun chi che an pó afronté le stüde dles percusciuns. Al gnará afronté la spartiziun di stromënc te classics y academics: i membranofons (tambüri, timpans y i.i.) y i stromënc a tastadöra (vibrafon, marimba, xilofon, glockenspiel).

Na terza categoria dër damanada é la bataria. Tignin cunt dles desvalianzes de lingaz musical olache ara vëgn sonada y dl'importanza de na conescënza dl panorama musical plü ampla che ara vá, gnarál imparé tl medemo tëmp la bateria y i stromënc classics. A chësta moda podarán traté l’argomënt “percusciuns” a na moda trasversala por les sort desvalies de musiga.

Aladô di criters nominá dessura podará la leziun gní tignida cun modalités desvalies baratan jö, tignin cunt dl program didatich, dl talënt y dles capazités de che che impara.

La metoda didatica dada dant dess daidé svilupé na flessibilité d'azes ti confrunc dla musiga a 360°. Le stüde de metodes y lingac desvalis sostëgn na daurida nia ma ti confrunc de sües abilités (soné), mo ince y dantadöt ti confrunc de süa “dieta musicale”, de süa manira da ascuté la musiga capin le numer ampl de stii y corusc. Imparé y conësce monns musicai desvalis pó porté pro a tó pert ales ativités proponüdes dala scora, stimolan n talënt por la sperimentaziun y na partezipaziun che vá sura le gust personal fora.

Scriesse ite