Saltier

Can pón pa mëte man da imparé da soné chësc stromënt?

An pó imparé da soné le saltier pian ia dala 2. classa dla scora elementara ince zënza avëi fat denant val' ater curs. Sambëgn él n vantaje sce an á bele fat n curs de cianté o movimënt y bal, che dëida svilupé le sëns por la melodia y le ritm.

De ci vál pa debojëgn por imparé da soné chësc stromënt?

La condiziun é n stromënt che an sona bun y che ais na balanza tl sonn, n pontin stabil che vá da alzé sö y jö y mazes da saltier. Le stromënt vëgn soné plücoater impé. La man dërta y la man ciampa sona adöm ala medema manira. La capazité da soné adamënz vëgn sostignida dassënn da soné chësc stromënt.

Ci poscibilités pîta pa chësc stromënt?

Le saltier cromatich é sciöche pröm stromënt de melodia n stromënt che se ghira n acompagnamënt de stromënc desvalis por ejëmpl de zitra, erpa, chitara o clavier, cembalo, cello. De regola pó le saltier gní tut da soné de vigni sort de stii musicai.