Cianté y jazz modern
Grup de destinaziun:
Porsones dai 14 agn insö che á a cör la formaziun de süa usc. Les condiziuns por fá para é na usc sana y n'idoneité musicala.
Obietifs:
I obietifs é na usc adorada cun na bona tecnica y le liam cun le trá le fle y la posiziun, n'adoranza dla usc economica, le svilup dl aldí y na bona conescënza dla teoria musicala, la ligrëza da cianté dassú o a de plü usc, sciöche ince le sostëgn dla forza d'espresciun.
Contignüs dl insegnamënt:
Düc i ciamps dla formaziun dla usc (trá le fle, posiziun, eutonus, articolaziun, ressonanza, register, avalianza vocala, espresciun y i.i.) formaziun dl ascuté, cianté lion les notes, formaziun ritmica, leteratöra de tëmps desvalis tl ciamp dl solo y dl ensemble.
Insegnamënt:
Le curs vëgn pité por porsones singoles o grups aladô dla scora y dl numer de porsones che ó tó pert.
Pité da ...
Scores de musiga todësces y ladines
Eté
Dai 14 agn
Test d'amisciun
Nou
Sëntes dl curs
Personal insegnant
Scriesse iteScora de musiga taliana "A. Vivaldi"
Eté
Dai 14 agn
Test d'amisciun
Sce
Sëntes dl curs
Personal insegnant
Le curs de cianté modern y Jazz dess insigné y daidé assimilé la tecnica dla usc che vëgn chirida y adorada canche al vëgn cianté. Le percurs didatich se crüzia dl’impostaziun dla usc, dl control dl fle, dl sens ritmich, dl’intonaziun y dl svilup dl’oredla musicala.
Le personal insegnant chir fora i toc tignin cunt dla usc, dl livel dla tecnica dla usc y, tan inant che ara vá, de sü gusć musicai. Al é tler che al vëgnes arjigné ca cun vigni porsona le medemo percurs por ci che reverda le svilup dla tecnica, mo dër personal dal punt d'odüda dla lîta dl repertore. Le repertore studié vá dala musiga lisiera taliana, al pop, al rock, al repertore da musical y al jazz.
L’interpretaziun vëgn afrontada cun l’analisa stilistica d'esecuziuns desvalies, le confrunt danter "manires" da cianté le medemo toch, mostra les poscibilités espressives y conzed da podëi esperimenté soluziuns desvalies aladô dles capazités y dla fantasia.