Chitara

Can pón pa mëte man da imparé da soné chësc stromënt?

An pó mëte man canche an mët man da jí a scora.

De ci vál pa debojëgn por imparé da soné chësc stromënt?

Sce an á bele fat n curs da cianté o da soné n ater stromënt él plü saurí da mëte man da imparé da soné chësc stromënt. An dess soné vigni de altamo 30 menüc.

Ci poscibilités pîta pa chësc stromënt?

La chitara é n stromënt dër variabl. Al scomenciamënt nen vára da arjunje na bona tecnica da soné. Chësc sozed cun le soné melodies y acorg scëmpli (acompagné cianties) por toc da de plü usc. Insciö pón plü tert soné sides toc classics, che pop y moderns.

Pité da ...

Scora de musiga taliana "A. Vivaldi"

Eté

Dai 8 agn

Test d'amisciun

Nou

Sëntes dl curs

Personal insegnant

Jide inant ala lista

La chitara é n stromënt che vëgn soné da tröpes porsones, te tröc posć y pro sorts de musighes desvalies. La musica classica ti á dé storicamënter n’atenziun cun interuziuns, tan da messëi descurí danü chësc stromënt al scomenciamënt dl 1900 por mirit ince dl'opera dl gran chitarista Andres Segovia. Incö ti röia che che stüdia chitara pormez a sorts de musiga desvalies: dales Fantasies sön temesc de Rossini ai tango de Piazzolla, dala musiga popolara a chëra contemporanea, dales trascriziuns dal liuto de Bach ai aranjamënc di Beatles.

Che che sona les prömes notes sön chësc stromënt s'intënn atira da avëi tles mans na picia orchestra: rica de timbri, da na gran estenjiun, adatada a ester n stromënt por solo o de grup, o a acompagné che che cianta. Al é n stromënt autonom, compagn de iadi, cun na vocaziun che vá bun por contesć musicai desvalis y por realisé te na miniatöra l'essënza.

Le curs proponü é por gragn y pici y por vigni bojëgn y vëgn sostigní da ativités complementares che deura al estern l’esperiënza musicala madorida tratan les leziuns. Le stüde dla tecnica á le fin da arjunje i obietifs dl personal insegnant y che che impara y é lié al aspet espressif-musical y ala convinziun che soné sides n’ativité creativa y de aurela cörta.

Scriesse ite