Cantiere '900

Cantiere 900

Cantiere '900 é n ensemble de musiga da ciamena che sona dal 2006. Al é gnü metü sö dantadöt da scolars y scolares dla scora de musiga “Vivaldi” y vëgn  coordiné dala professuria Silvia Cesco.

Dl ensemble pó fá pert vigni porsona che á abilités musicales discretes y n'independënza da studié süa pert, y sambëgn la coriosité por la musiga dl seculo passé.

Le repertore de chësta formaziun daverta, metüda adöm da n numer che pó mudé aladô dles ocajiuns de stromënc desvalis, ti dá la priorité a musighes de tradiziun acorta dl XX secul, tradiziun che á odü de gragn mudamënc tles tecniches compositives y esecutives, da adoré timbri y tla definiziun de stii.

Tles tröpes esibiziuns publiches a Balsan, a pert tla sënta dla scora de musiga ince te posć sciöche le Museion y l'Université, Cantiere '900 á porté dant te formaziuns desvalies toc de De Falla, Debussy, Cage, Ibert, Martinu, Poulenc, Berberian, Britten, Pärt, Poulenc, Castiglioni, por zité i plü conesciüs. I stromënc trac ite cina sëgn é stá la chitara, usc, erpa, vidora, violoncello y clavier.

Les esecuziuns é datrai gnüdes intervalades dala proieziun de video, sciöche “Entr'acte” de Eric Satie y Renè Claire, y datrai é i video gnüs cheriá aposta por acompagné i toc sciöche le  video de Elena Faggioli por les “Chansons de Don Quichotte” de Jaques Ibert.

 

Contac:

Secretariat Scora de musiga 0471 973695

Prof. Silvia Cesco: silvia.cesco@provincia.bz.it