Arundo Donax

arundo donax

Arundo Donax é n cuartet de saxofons che é gnü metü sö tratan le curs da soné deboriada dla classa dl prof. Enrico Dellantonio. Al é metü adöm da studëntes y studënc che fej pert dles classes de saxofon dla scora de musiga Vivaldi desvalies, che ó aprofondí la conescënza dl repertore original por cuartet, chël ó dí fá na formaziun ampla tl ciamp dla scora de saxofon classica.

Les prömes composiziuns por chësta formaziun, nasciüdes sön le model dl cuartet d’arcs, vëgn dant canche al vëgn inventé le stromënt da Adolphe Sax (le “Premier Quatuor” dl compositur belgh J.B. Singelee dl 1857, püc agn do che al ê gnü dé jö le brevet dl stromënt nü). Al é dantadöt tratan le ‘900 che le repertore original se svilupëia plücoater tl raiun franzej por spo se stlarié fora sides tl ciamp classich che dl jazz cina ala musiga contemporana.

Arundo Donax, l'inom dl grup proponü da Michele Joris, é la definiziun scientifica dla ciana scëmpla. Al é la planta da chëra che al vëgn les lënghes adorades por cherié le sonn tl stromënt.

Le repertore afronté tratan le curs ti agn reverda auturs de raiun franzej sciöche le toch bele zité Singelee, P. Vellones y P.M. Dubois, y de compositurs che á avijiné le saxofon classich al monn dl jazz y dla musiga etnica sciöche G. Gershwin, P. Iturralde y A. Piazzolla.