Scora de musiga taliana "A. Vivaldi"

La scora de musiga taliana "A. Vivaldi" é n’istituziun particolara sce nia unica a livel nazional. Ara é gnüda metüda sö cun lege provinziala dl 1977 adöm cun la scora de musiga todëscia y ladina y s'á davagné l'atenziun di apascioná y dles scolares y di scolars de musiga sciöche zënter didatich y sciöche fujina de cultura y produziuns artistiches.

La Vivaldi é deventada insciö n elemënt important y chësc nia ma tl ciamp musical. Les scomenciadies desvalies realisades en colaboraziun cun de plü ënc provinziai, nazionai y esters, á porté pro a na difujiun importanta de na cultura musicala che mët Balsan y süa provinzia te na situaziun particolara.

Al momënt él feter 7000 scolares y scolars che fej cursc ordinars, straordinarsi, ti laboratori, seminars y ativités de sostëgn ala scola publica, partis sö te 13 sëntes tla provinzia, dala classica al’antica, dal jazz ala contemporanea, dala musiga lisiera ales formes de repertore plü desvalies.