Grups spezialistics dles scores de musiga todësces y ladines

Ulli ellemunter

L'Istitut d'educaziun musicala por todësch y ladin á metü sö dl 1998 cun na süa delibera n. 58/b-98 i grups spezialistics. Tla direziun provinziala él aldedaincö chisc grups spezialistics che laora por sostigní la coordinaziun profescionala.

Les direturies y i direturs di grups spezialistics

Les direturies y i direturs di grups spezialistics vëgn chiris fora da na iuria spezialisada sön la basa de n hearing y vëgn confermá por cater agn. Tres n barat de informaziuns y esperiënzes regolar dl personal insegnant te so grup spezialistich vára da alzé la competënza profescionala, da baié dl'esperimentaziun de prozedimënc d'aprendimënt y insegnamënt desvalis y arjunje insciö na miú cualité dl laur metodich y didatich. La consulënza "ales insegnantes jones y ai insegnanc jogn" é n n dovëi important dles direturies y di direturs di grups spezialistics deache ares é les prömes porsones de referimënt y d'aiüt canche ara se trata da dé informaziuns y pó insciö reagí atira a defizic dl personal insegnant nü.
Les direturies y i direturs di grups spezialistics á le dovëi da reconësce i bojëgns dl personal insegnant y da svilupé de chësc vers sü conzec d'organisaziun: i azënc dla formaziun y sü fins ne se damana dales direturies y dai direturs di grups spezialistics nia ma n savëi spezifich fondé, mo na odüda generala sön döt ci che toca lapró (leteratöra o material d'insegnamënt nü, revistes spezialisades, metodes didatiches nöies, mudaziuns tl comportamënt dles scolares/di scolars y di geniturs, svilups didatics profescionai, svilups stromentai spezifics y tecnics stromentai...).
I azënc dla formaziun cun fins generai didatics-pedagogics vëgn metüs en conscidraziun dla planificaziun strategica dl istitut adöm cun dötes les direturies/düc i direturs di grups spezifics y les priorités spezifiches profescionales vëgn dal bojëgn diret dl personal insegnant. Al vá ince debojëgn da avëi tresfora contat cun coleghes y colegs de profesciun y istituziuns orientades ala musiga sura i confins fora por ester bogn da reagí a svilups didatics profescionai nüs.  
Les direturies y i direturs di grups spezialistics desmostra competënzes d'organisaziun canche ara se trata da ciaré de referëntes y referënc che vëgn inviá adalerch por ajornamënc desvalis, sciöche ince canche ara nen vá da tigní ejams de cualificaziun interns y concursc o canche les scolares y i scolars á prestaziuns da soné cun valutaziun te n grup spezialistich.
Vigni scora de musiga á a desposiziun cotan de stromënc; sciöche porsones dl mistier á les direturies y i direturs di grups spezialistics l'inciaria da aconsié canche al é da arjigné de chisc stromënc o da nen cumpré de nüs.

Programs »