Scores de musiga todësces y ladines

Deutsche und ladinische Musikschulen

L'Istitut d'educaziun musicala é gnü metü sö dl 1977 cun lege provinziala (lp n. 25/1977) sciöche ënt autonom dla Provinzia. An á podü se lascé sön na fondamënta solida tl ciamp dl sostëgn musical, dantadöt di mituns, dles mitans y dla jonëza, che le "Südtiroler Kulturinstitut" â cherié ti pröms agn sessanta. Cun la lege provinziala 15/2010 é l'ënt Istitut d'educaziun musicala por todësch y ladin gnü trasformé tl Raiun Scores de musiga todësces y ladines, che alda pro le Departimënt Istruziun y formaziun todëscia.

La Direziun provinziala dles scores de musiga todësces y ladines á 15 direziuns de scora de musiga todësces y 2 direziuns de scora de musiga ladinies cun indöt 52 sëntes. Na seziun de musiga popolara a pert se crüzia dles musicontres y di musicontri te döta la provinzia.

Les scores de musiga pîta sciöche pert dl sistem formatif dla provinzia n'oferta ampla tl ciamp di stromënc, dl cianté, dla teoria y dles poscibilités por soné deboriada. Al vëgn odü sciöche compit de formaziun che vá a öna cun la scora publica y porta pro ala comprenjiun dla cultura y dl'ert. Sües indicaziuns mostra sö ciamó damí so travert de formaziun y cultura.